COVID-19 FAQS

Last updated: 7 March 2020



Filipino | English | Ilokano | Kapampangan | Sebwano | Waray | Meranaw | Kinaray-a | Pangasinan | Bikol | Hiligaynon


MARALAS IKUTAN

Nanu la ring Corona Virus?

Maragul yang pamilya ing Corona virus na  pibabatan da ring miyaliwang sakit, manibat king sipun angga kareng sakit kalupa na ning Middle East Respiratory Syndrome- related Coronavirus (MERS-CoV) ampong Severe Acute Respiratory Syndrome- related Coronavirus (SARS-CoV).  Malyari ya ring maging pibatang sakit da ring ayup king bale ampo ayup king marangle.

Nanu ya ing Novel Coronavirus?

Bayu yang klaseng coronavirus ing Novel Coronavirus (2019-nCov) na ali da pa ikit kareng tawu kanita. Pibatan muring malalang pneumonia ing 2019-nCoV king dakal a kasu king China a e melambat miras na rin kareng miyaliwang balen ampong bansa. Anyang Pebrero 12, 2020, sinabi na ning World Health Organization na Coronavirus Disease 19 o COVID-19 ing opisyal a lagyu na ning sakit.

Nukarin ya menibat ing COVID-19?

Anyang milabas a Diyembre 31, 2019, ating mengapabalitang miyaliwang kasu da ring pneumonia king Wuhan, China a e da balu nung nukarin menibat. E melambat abalu dang menibat la king sakit a Coronavirus deng mebalitang sakit. Ibat la king bayung klasi na ning corona virus a é da pa ikit kareng tawu kanita.

Nanu-nanu la ring sintomas ampong malyaring komplikasyon na ning coronavirus infection?

Maralas a sintomas na akit karing apektadu na ning virus ing sakit king bagà, lagnat, kukù, sipun, trangkasu, ampong pamagkasakit mangisnawa. Karing matinding kasu, malyari yang mika-pneumonia, acute respiratory syndrome, kidney failure, o kaya naman malyari yang mate ing másakit.

Pakananu yang mipapasa karing aliwa ing COVID-19?

Anyang Eneru 24, 2020 kinumpirma na ning World Health Organization ing malawakang human-to-human transmission ning virus king Wuhan, China.Oneng ala pa ring sapat a kapabalwan para asiguradu da nung pakananu kalawak ing human-to-human transmission, full clinical features na ning virus, ampong nung nukarin ya menibat ing pamagkalat na ning sakit. King kasalungsungan panig-aralan de pa ding ekspertu nung nukarin ya menibat ing virus ampo nung makananu ya mipapasa kareng aliwang tawu. Ikit da na e ne kalupa ning virus ayni ing SARS ampong MERS, pero panig-aralan da pa makananu ya makayawa ampong ing kalubhaan na.

Atin waring panulu king COVID-19?

Ala taganang panulu karing corona virus nung nukarin ya makayabe ing COVID-19. Óneng ating panulu king keraklan da ring sintomas ning COVID-19, dependi king lage na ning másakit. Makasaup ya mu namang maragul kareng másakit ing supportive care.

Nanung malyari dang gáwan ding tawu banta mituknang ing pamagkálat ning COVID-19?

a. Maralas ampong masaleseng pamanos gamat

b. Pamanakap asbuk potang mangukù

i. Paneng pamagdalang panyu/tissue

ii. Takpan me ing asbuk ampong arung mu king panyu/tissue (malyari ya mu ring    

    gamitan ing gulut na ning síku nung alang panyu/tisyu)

iii. E kayu lalapit king táwung mángukù

iv. E kayu lúlurâ

v. Iyugsé yeng masalése ing ginamit yung tissue

vi. Kayaring mangukù, manos kayung gámat

vii. Gumamit kayung alcohol/sanitizer

c. Míwas kayung tálang ayup marangle ampong ayup gubat.

d. Pakálútu ye ing pamangan yu

e. Mangan kayung istu, matudtud sapat, ampong mag-exercise banta sikan kayu katawan

Nanung kailangan dang gáwan ding ospital a ating pasyenteng ating COVID-19 o patient/s under investigation (PUI)?

Ing Infection Control Committee na ning ospital ing mumunang diling lalawe kareng pasyenti. Oras a mesabing Person Under Investigation (PUI) ya, kailangan nang ma-quarantine.

Kaybat, kailangan neng sabyanan ning ICC king DOH Regional Epidemiology and Surveillance Units (RESU) banta miyabe ya king report da king DOH Epidemiology Bureau.

Iparala ne ning ospital a ating PUI ing specimen (oropharyngeal and nasal swabs) king Research Institute of Tropical Medicine (RITM) banta alawe de.

Payalala na rin ning DOH kareng mag-obra kareng ospital na kailangan dang mingat potang atin lang lalaweng pasyenting ating mating impeksyun king baga lalu na ring ibat king China.

Ing tawli, kailangan dang palawakan ding egana-ganang ospital ing karelang gagawang standard infection prevention lalu na kareng karelang emergency departments.

Ninung kailangan malawe ampong ma-test agad king COVID-19?

Kailangan dang agad a magpa-test king COVID-19 deng:

     1) Deng táwung ating severe acute resporatory infection (SARI), lagnat ampo kukù, ampo métung kareng tutuki:

          a) minta o tínuknang king Wuhan 10–14 aldo bayu lintó ing sintomas;
          
b) Deng health worker a mag-obra king lugal a ating táwung ating SARI agyang nukarin ya pa makatuknang o mínta.

     2) Deng táwung ating acute respiratory infection (ARI) ampong atin baski metung mu kareng tutuking criteria king kilub ning 14 aldo báyu ing pámalto ning sakit:

          a) Linapit o akayabe ing táwung ating COVID-19 o posibleng kasu;

          b) mínta/mágobra king palengking magtindang mabyeng ayup king Wuhan; ampong

          c) Mág-obra/múmunta kareng health facility a ating táwung másakit uli na ning HAI-associated COVID-19

 

BIYAHI

Nanung kailangan mung gawan nung kababat mu king Wuhan, China at atin kang panamdamang sintomas ning COVID-19?

Kailangan lang agad munta ospital ding pasyenting ating lultong sintomas anti king lagnat ampong kukù, lalu ring menibat king Wuhan, China.

Nanung gawan mu nung atin kang daramdamang sintomas na ning mild flu, oneng e na ka man menibat Wuhan, China ampong e ka mílapit king tawung menibat Wuhan,China?

Kareng makanining kasu, e mangailangang magpa-test para king 2019-nCoV ARD. Malyari kang munta at magpalawe king pékamalapit a ospital o klinika nung kailangan.

Atin bang mimiral na batas king pamanlibut?

Wa. Anyang Pebrero 2, 2020, inayunan neng Presidente Rodrigo R. Duterte ing temporary travel ban para kareng tawung menibat China ampo kareng kayang Special Administrative Regions kalupa ning Macau ampong Hongkong. E la kayabe kareni ding Pilipino ampo ring tawung ating PR resident visas na bat king Republika ning Pilipinas.

Anggat malyari, ding taung paluwal king Pilipinas e la pa sa mumunta kareng lugar na ating kasu ning novel coronavirus. Papayuan la ring lilibut na sunud kareng planu ampong sasabyan da ring opisyal kareng bansang puntalan da; pakibalwan da nung nukarin la reng pekamalapit a ospital ampong klinika; ampong pakibalwan da ing pekabayung kapabalwan king novel coronavirus.

Malyari la bang muli ding OFW a ibat kareng bansang ating kasung 2019 nCoV ARD?

Wa. Ing DOH ing balang manyalese ampong sumaup karela nung muli la. Kabalik da, dalá da la kareng ospital banta malawe ampong mamonitor la king kilub na ning 14 aldo. Nung atin lang lagnat o kukù karatang da, agad dang ipabalu kareng doktor o opisyales na ning airport ampong seaport.

Nukarin la malyaring manikwang kapabalwan tungkol king 2019-nCoV ARD?

Malyaring kumang kapabalwan ibat kareng balita na ning DOH ampo kareng opisyal na social media anti king Facebook ampong Twitter. Mimingat ko kareng e tutung balitang dudurut kareng social media. Nung malyari palagi yung lalawen nung nukarin menibat ing balita.